Helge und Värs - Familie M. Steiner
Hauptmenü
Helge und Värs
FASNACHT 2026
Helge & Värs
Dr Eric Wäber het uns gsuecht
letscht Fasnacht unsri Värs verfluecht
Mir hoffe spürsch e bitzli drugg
Jä Eric mir sin wieder zrugg
D Steiners wänn euch nur kurz mälde
mir hän kei Värs vo Birsfälde
Well mir sin nit, wie dä do
so doof zum döört lang ummestoo
Kuum griegt dr Trump e Rolex gschänggt
scho wärde d Zollgebüre gsänggt
Im Eric Wäber muesch nüt schängge
däm si Niveau kasch nüm sängge
Isch la Madame Frau oder Maa
das goot nur s Macrons öbbis a
Het d Brigitte eventuell e Glöggli
macht dr Emmanuel halt s Böggli
Nit jede us de USA
muess au e riise Schnuure ha
Höörsch nüt vom Papst mir schätzes sehr
mängmoll isch weniger halt mehr
Bim Louvre-
dr ExPrinz Andrew het mitgmacht
Är het, dien mir moll in Ruum stelle
halt au moll e Krone welle
Jetzt hän si ihn, är het s verkaggt
an sine Kronjuweele paggt
Guet Sitze wurd är nit im Knascht
dört in wird nämmlig är vernascht
D Mamme und d WeightWatchers Fraue
mien jetzt widder Spägg abbaue
Well statt Gsunds wie Fäldsalat
mampfe si Chips mit Aromat
Die Fraue freue sich scho biz
uf s neue Schwümbi am Dreispitz
Nit wägem Sport das isch für d Katz
nei in däm Pool hän alli platz
Doch au die Gschicht het e Moral
bisch nit perfekt isch das egal
Vo uns bekunnt drum, als Bewiis
d Mamme dr Friidensnobällbriis
Dr Unterschiid Mensch und Schimpans
nit Hemmige odr dr Schwanz
Was schlimm isch und au biz konfus
dr blöd Aff woont im wisse Huus
Mir finde unser Rächtssystem
isch mängmoll wirklich rächt extrem
Doch d Schwoobe hän e rächts Problem
well d AFD isch Rächtsextrem
E Drämmlifreii Innestadt
Herzoog dö Möroñ fändes glatt
Für d Stadt wär s wool die bescht Arznei
si wär Eric Wäber-
Dr Jungi het sich lo verwütsche
ganz ellei bim Eierdütsche
Was dr Opi ihm empfiilt:
Mach witter so und blyyb verspiilt
Mir hän s leider miesse vernää
Nemo het dä schön Priis zrugg gää
Do seht me är isch doch e Maa
für dass muesch nämmlig Eier ha
Kuum zieht dr Babbe an sim Stumpe
kunnt scho sone Ordner z gumpe
S Rauche stöört die Andre do
wo ihri Pyros wänn abloo
Wie d UBS hän mir s erwooge
sin fascht in d U S A zooge
So wäre mir, Trump sei dangg
dr bescht Grönländer Schnitzelbangg